Back عرض غير لائق Arabic عرض غير لائق ARZ Неприлично предложение Bulgarian Una proposició indecent Catalan پێشنیاری ناشیرین CKB Indecent Proposal Welsh Et frækt tilbud Danish Ein unmoralisches Angebot German Ανήθικη πρόταση Greek Indecent Proposal English
|
C'l artìcul chè 'l è scrit in
Miranduléś |
 Indecent Proposal
| ||
| Proposta indecente | ||
 La Demi Moore e Redford in na figùra dal film | ||
| Prupósta indecènta 1993 | ||
|---|---|---|
| Regìa: Adrian Lyne | ||
| Scritōr: Jack Engelhard • Amy Holden Jones | ||
| Atōr: Robert Redford • Demi Moore • Oliver Platt Woody Harrelson • Seymour Cassel • Rip Taylor Billy Bob Thornton • Billy Connolly • Pamela Holt | ||
| Müsica: John Barry | ||
| Léngua: Ingléś | ||
| Dürä dal film: 117 minüt | ||
| Nasiōṅ: Stat Unî | ||
Proposta indecente (Prupósta indecènta) 'l è 'n film dramàtic dal 1993 'd Adrian Lyne trat da 'l rumànś umònim ad Jack Engelhard.
La pelìcula, custàda trént'òt migliòṅ ad dòlar, la 'n à fat sù da piò ad duśènt-a-ssanta, purtànd però a cà anc tri Razzie Award.
Sunt
David Murphy (Woody Harrelson), architét, e sò mujēr ch'la lavóra in n'agensìa imubiliàra, la Diana (Demi Moore), i èṅ dū śōvan ch'i aṅ péna cumprâ la vila di sò sógn tulénd in prèst dimóndi bèsi in banca. Quànd però in di Stat Unî a riva la criśi dal marcâ dal cà, par lōr 'l è 'n brut mumènt parchè i faṅ fadìga a lauràr, a tgnir bòta e a tiràr avànti. Quànd la sò vila la finìs a l'asta, i dū i vàn'n a Las Végas sprand ad vìnsar quèl a la roulette par psēr pagàr al rati ch'i gh armàgnan.
Purtròp par lōr in na nòt ad śugàdi a 'l caśinò i pèrd'n incòśa e a cal punt lè i decìd'n ad dir ad sè a na prupósta 'd un migliardàri cgnusû lè, John Gage (Robert Redford). Chi lò al prumét ad pagàr un migliòṅ ad dòlar par na nòt ad sès cun la Diana.